हुम बहादुर गुरुङ
फागुन १९, स्याङ्जा,
स्याङजाको बिरुवा गाउँपालिकाले छैटौ अध्यक्ष कपमा पालिका स्तरिय पुरुष भलिबल प्रतियोगिता आयोजना गर्ने भएको छ । पालिकाले पाँचौ संस्करण सम्म वडा स्तरिय पुरुष तथा महिला भलिबल खेल आयोजना गर्दैआएकोमा यस वर्ष भने पालिका स्तरिय पुरुष भलिबल खेल आयोजना गर्दै छ । यस प्रतियोगिताले खेलाडीहरुको उत्पादन, अनुभव र अवसर मिल्नेछ, भने राष्ट्रिय खेल भलिबलको विकासमा टेवा पुग्नेछ ।
चैत्र २ गते देखी ४ गते बिरुवा गाउँपालिका–७ बलेउ खेलमैदान सञ्चालन हुने उक्त प्रतियोगितामा, टिम दर्ता फागुन २५ देखी ३० गते सम्म रहेको छ भने खेल तालिका चैत्र १ गते सार्वजनिक गरी चैत्र २ गते खेल सुरु गरिनेछ ।
प्रतियोगितामा प्रथम, द्धित्तिय, तृतिय पुरस्कारहरु क्रमशः १ लाख ५० हजार, १ लाख, ५० हजार ट्रफी, मेडल र प्रमाण–पत्र रहेको छ । त्यस्तै उत्कृष्ट विधाहरुमा पनि ५ हजार देखी ३ हजार, मेडल र प्रमाणपत्र रहेको जानकारी स्थानियक खेलकुद विकास समिति अध्यक्ष गणेश गुरुङले जानकारी दिएको छ ।
प्रतिक्रिया लेख्नुहोस्:-