हुम बहादुर गुरुङ
चैत्र ३, स्याङ्जा
स्याङ्जाको विरुवा गाउँपालिकामा छैटौ अध्यक्ष कप सञ्चालन भईरहेको छ । जुन अन्तरपालिका स्तरिय पुरुष भलिबल प्रतियोगिता हो । फागुन २ देखी ४ गते सम्म सञ्चालन हुने उक्त प्रतियोगिता, पालिकाको वडा नं ७, बलेउ, सम्झना युवा क्लबको खेलमैदानमा सञ्चालन हुदै छ । प्रतियोगितामा जम्मा ६ टिमको सहभागीता रहेको छ, जसलाई लिग चरणमा खेलाईएको छ । प्रतियोगिताको दोस्रो दिन सम्पूर्ण लिग तथा सेमिफाईनल खेल पुरा भएको छ । जसमा चापाकोट नगरपालिका र विरुवा गाउँपालिका निलो टिम बाहिरिएको छ भने आयोजक रोता र कालिगण्डकी गाउँपालिका फाईनलमा प्रवेश गरेको छ । त्यस्तै वालिङ नगरपालिका र पोखरा महानगरपालिका तेस्रो स्थानको लागी प्रतियोगिता खेल्दै छ । फाईनल खेल भोली विहान १० बजे तेस्रो स्थानका लागी र ठिक १ बजे प्रथम स्थानको लागी खेल हुदैछ ।
उक्त प्रतियोगितामा प्रथम द्धित्तिय र तृतिय क्रमश १ लाख ५० हजार, १ लाख , ५० हजार ट्रफि मेडल र प्रमाण पत्र रहेको छ । सर्वाेउकृष्ठ खेलाडीहरुलाई पनि नगद पुरस्कारको व्यवस्था रहेको छ ।
प्रतियोगिता समुद्घाटनमा पूर्व प्रदेश सभा सदस्य, पश्चिमाञ्चल विकास समिति अध्यक्ष माननिय मोहोन रेग्मीको प्रमुख आतिथ्यतामा पानसमा दियो बाली राष्ट्रिय भलिबल रेफिहरुलाई बल हस्तान्तरण गरी प्रतियोगिता सञ्चालन गरिएको थियो । त्यस्तै विशेष अथितमा पालिका अध्यक्ष सुर्य बहादुर कुवार, अतिथिहरुमा पालिका उपाध्यक्ष भगवती शर्मा, प्रमुख प्रशासकीय अधिकृत चन्द्रकान्त भण्डारी, सम्पूर्ण वडाका अध्यक्षहरु तथा अन्य संस्थाका प्रतिनिधिहरको उपस्थितिमा उद्घान सम्पन्न भएको थियो ।
भोली फाईनल खेलको दिन विभिन्न झाँकी तथा संस्थाहरुको साँस्कृतिक कार्यक्रमहरु पनि रहेको स्थानिय खेलकुद विकास समिति अध्यक्ष गणेश गुरुङले जानकारी दिएको छ ।
प्रतिक्रिया लेख्नुहोस्:-