रिदेश सुनार
स्याङ्जा जिल्लाको हरिनास गाउपालिकामा छैटौं संस्करणको पलिका अध्यक्ष कपको उद्घाटन भोलि अर्थात फाल्गुन १७ गते हुने भएको छ। हरिनास गाउपालिका वडा नं ४ को प्राङ्गणमा रोदिखोलामा हुने उक्त प्रतियोगिताको उद्घाटन समारोहमा गाउपालिका अध्यक्ष खिम नारायण मानन्धरको प्रमुख आतिथ्यता रहने छ ।
हरिनास गाउपालिकाको आयोजनामा हुने उक्त प्रतियोगितामा वडा स्तरीय पुरुष, महिला र प्रौढ गरि ३ शिर्षकमा प्रतियोगिता हुने छ । प्रतियोगितामा पुरुष भलिबल तर्फ प्रथम हुनेले ७५ हजार दोस्रो हुनेले ६० हजार, तेस्रो हुनेले ४५ हजार र सान्त्वना स्थान प्राप्त गर्नेले ३० हजार प्राप्त गर्नेछन् । त्यस्तै महिला भलिबल तर्फ प्रथम हुनेले ५० हजार, दोस्रो हुनेले ४० हजार, तेस्रो हुनेले ३० हजार र सान्त्वना स्थानमा आउनेले २० हजार प्राप्त गर्नेछन् । त्यस्तै ३५ बर्ष भन्दा माथी उमेर समुहको प्रतियोगितामा प्रथम हुनेले ५० हजार, दोस्रो हुनेले ४० हजार, तेस्रो हुनेले ३० हजार र सान्त्वना स्थानमा आउनेले २० हजार प्राप्त गर्ने कार्यक्रम संयोजक तथा हरिनास ४ का वडा अध्यक्ष सन्त बहादुर थापाले बिरुवा खबर संवाददातालाई जानकारी दिए ।
३ दिन चल्ने उक्त प्रतियोगितामा हरिनास गाउपालिकाका ७ वटा वडा बाट समान ३/३ टिम गरि २१ टिमको सहभागीता रहने छ।
प्रतिक्रिया लेख्नुहोस्:-