फागुन ६, पोखरा
तमू (गुरुङ) सञ्चारकर्मी संघ नेपाल, जिल्ला कार्यसमिति कास्कीको छैटौं साधारणसभा, तेश्रो अधिवेशन, पुरस्कार अर्पण एवम् सम्मान कार्यक्रम सम्पन्न भएको छ । तमु मै ताँ डटकमका सञ्चालक एवम् संघका निवर्तमान उपाध्यक्ष युग बहादुर तमुको अध्यक्षतामा ११ सदस्यीय कार्यसमिति शनिबार निर्विरोध निर्वाचित भएको छ । उपाध्यक्षमा शिला तमु, सचिवमा सम्राट तमु, सहसचिवमा दिल तमु, र कोषाध्यक्षमा तिर्सना तमु रहेका छन । कार्यसमिति सदस्यहरुमा पदम घले, जित तमु, आकाश तमु, हुम बहादुर तमु सदिक्षा तमु र मन प्रसाद तमु रहेका छन ।
कार्यक्रम निवर्तमान अध्यक्ष शान्ति तमुको अध्यक्षतामा र गण्डकी प्रदेश सरकार पूर्व सभा सदस्य माननीय मिना तमुको प्रमुख आतिथ्यतामा, सचिव सुरज तमुले कार्यक्रम सञ्चालन गरेको थियो ।
कार्यक्रममा प्रमुख अतिथि मिना तमुद्वारा स्थापित अक्षयकोषबाट संघका सदस्य पत्रकारिता क्षेत्रमा निरन्तररुपमा कलम चलाएको मर्दी न्युज अनलाइनका सम्पादक खड्ग बहादुर तमुलाई नगदसहित प्रशंसा(पत्रद्वारा सम्मान गरेको थियो । यसैगरी संघका साधारण सदस्य रमेश तमुलाई जनप्रतिनिधिको रुपमा वडा अध्यक्षमा निर्वाचित भएको भन्दै प्रशंसा(पत्रद्वारा सम्मान गरेको छ भने संघका कानुनी सल्लाहकार अधिवक्ता जुना तमु, संघका संस्थापक अध्यक्ष एवम् तमु धिं नेपालका अध्यक्ष हुम बहादुर तमु संघलाई पुर्याउँदै आएको साथ सहयोग र सद्भावको कदर स्वरुप प्रशंसा पत्रद्वारा सम्मानित भएका छन ।।
प्रतिक्रिया लेख्नुहोस्:-