कार्तिक २१, आईतबार
बिरुवा खबर डट कम
आइतबार बिहान सल्यानमा भएको बस दुर्घटनामा परी मृत्यु हुनेको संख्या ११ पुगेको छ । सल्यानको जयपानीबाट दाङको तुल्सीपुरतर्फ जाँदै गरेको रा १ ख २५५२ नम्बरको बस कपुरकोट गाउँपालिका–५ खारखोलामा बिहान पौने ११ बजेतिर दुर्घटना भएको हो ।
दुर्घटनामा परी ८ जनाको घटना स्थलमै र अन्यको उपचारका क्रममा मृत्यु भएको सल्यानका प्रहरी नायव उपरीक्षक गोविन्द थापाले रातोपाटीलाई जानकारी दिए । घटना स्थलमै रहेका थापाले भने,‘ घाइतेहरुको उद्धार गरेर सल्यानको श्रीनगरमा रहेको अस्पतालमा उपचार भइरहेको छ । उनीहरुलाई थप उपचारका लागि हेलिकप्टर मार्फत काठमाडौं लैजाने तयारी भइरहेको छ। त्यसका लागि हेलिकप्टोर पुग्न लागेको छ।
प्रहरीका अनुसार बस धेरै स्पिड र जीर्ण सडकका कारण दुर्घटनामा परेको हो। बस सडकबाट २ सय मिटर तल खसेको र बस चालक अझै फरार रहेको बताइएको छ। चालकको खोजी कार्य जारी रहेको प्रदेश प्रहरी कार्यालयले जनाएको छ। बसमा सवारहरू अधिकांश भाइटीका सकेर फर्किएकाहरू रहेको बताइएको छ ।
प्रतिक्रिया लेख्नुहोस्:-