भाद्रा१६, पोखरा,
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा शनिबार भएको खेलमा भारतीय राष्ट्रिय टोलकिा तीन खेलाडी समेटेको हेल्प नेपाललाई ३–१ को सेटमा पराजित गर्दै आर्मी च्याम्पियन बनेको हो ।
प्रतिस्पर्धात्मक बनेको पहिलो सेटमा आर्मीले २६–२४ को जित निकालेको थियो । पहिलो सेटको अन्त्यतिर रेफ्रीको निर्णयमा असन्तुष्टि जनाउँदै आर्मीका खेलाडीले कोर्ट त्यागेपनि पछि खेल्न आएको थियो । त्यसपछि आर्मीले लगातार २ अंक जोड्दै जित निकाल्न सफल भएको थियो ।
घरेलु समर्थकको साथ पाएको आर्मीले दोस्रो सेट आर्मीले १७–२५ ले गुमाएको थियो । तेस्रो सेट २५–१८ जित्दै आर्मी जित नजिक पुगेको थियो । चौथो सेटमा एक समय आर्मीले १७–२२ को आरामदायी अग्रता लिएपनि हेल्प नेपालले लगतार ५ अंक जोड्दै खेललाई २२–२२ को बराबरीमा ल्याउँदै खेललाई थप रोमाञ्चक बनाएको थियो ।
त्यसपछि बराबरीबाट अघि बढ्दै हेल्प नेपालले २५–२४ को अग्रता लिएपनि त्यसलाई जोगाउन नसक्दा ३३–३१ले आफ्नो पक्षमा पार्दै च्याम्पियन बन्न सफल भयो । उपाधिसँगै आर्मीले ४ लाख रुपैयाँ हात पारेको छ । दोस्रो भएको हेल्प नेपालले २लाख रुपैयाँमा चिक्त बुझाएको छ । तेस्रो भएको नेपाल पुलिस क्लबले १ लाख रुपैयाँ हात पारेको छ ।
प्रतिक्रिया लेख्नुहोस्:-