पोखरा । राष्ट्रिय स्वतन्त्र पार्टी (रास्वपा) बिरुवा गाउँपालिकाको सम्पर्क विभाग गठन गरिएको छ। पोखरा–१७, बिरौटास्थित ग्यालेक्सी बैंक्वेटमा २०८३ असोज १८ गते आयोजित भेला तथा भेटघाट कार्यक्रममा विभागको जिम्मेवारी सार्वजनिक गरिएको हो।
गठित सम्पर्क विभागको संयोजकमा पूर्ण वाग्ले, उपसंयोजकमा हिरा थापा र सचिवमा दाम प्रसाद थापा रहेका छन्।
त्यस्तै विभागको सदस्यहरूमा गंगाधर शमौ पोख्रेल, हरी प्रसाद पोख्रेल, प्रविण के.सी., टोप बहादुर बि.क., राम बहादुर थापा र सेर बहादुर के.सी. रहेका छन्।
कार्यक्रममा सहभागीहरूले बिरुवा गाउँपालिकामा पार्टीको संगठनलाई थप व्यवस्थित र प्रभावकारी बनाउँदै स्थानीयस्तरमा जनसम्पर्क विस्तार गर्नुपर्नेमा जोड दिएका थिए। नवगठित सम्पर्क विभागले पार्टीका गतिविधिलाई स्थानीय तहसम्म प्रभावकारी रूपमा पुर्याउने तथा कार्यकर्ता, शुभेच्छुक र आम नागरिकबीच समन्वय र सम्पर्कलाई प्राथमिकता दिने बताइएको छ।
भेला तथा भेटघाट कार्यक्रममा पार्टीसँग आबद्ध नेता तथा कार्यकर्ताहरूको सहभागिता रहेको थियो। कार्यक्रमले बिरुवा गाउँपालिकामा रास्वपाको संगठनात्मक गतिविधिलाई थप सक्रिय बनाउने अपेक्षा गरिएको छ।
















प्रतिक्रिया लेख्नुहोस्:-