सेन्ट्रल जोन पुरुष तथा महिला भलिबल च्यालेन्ज कपअन्तर्गत महिलातर्फको उपाधि नेपालले जितेको छ । मंगलबार उज्वेकिस्तानलाई ३२ को सेटमा हराउँदै नेपाल च्याम्पियन बनेको हो ।
मिरपुरस्थित शाहिद शुरवार्दी इन्डोर स्टेडियममा भएकाे खेलमा साविक विजेतासमेत रहेको नेपालले पहिलो सेट २५-२४ ले जितेको थियो । दोस्रो सेटमा उज्वेकिस्तान २५-२४ ले विजयी भयो । तेस्रो सेट नेपालले २५-१५ ले जित्यो । चौथो सेट उज्वेकिस्तानले २५-२२ ले जित्दै खेल २-२ को अवस्थामा पुर्यायो ।
त्यसपछि पाँचौं सेट नेपालले १५-१० ले आफ्नो बनाउँदै उपाधि रक्षा गरेको हो । योसँगै नेपालले इतिहास रचेको छ । नेपालले अपराजित रहँदै सेन्ट्रल जोनको उपाधि जित्दै इचिहास रचेको हो । नेपालले एक खेल पनि नहारेर उपाधि हात पार्न सफल भयो । साथै, नेपालले लगातार दोस्रोपटक सेन्ट्रल जोनको उपाधि पनि जित्ने कीर्तिमान पनि बनाएको छ ।
यस्तै सेन्ट्रल जोनको महिलातर्फ नेपाल लगातार दोस्रो पटक च्याम्पियन बनेको हो । पुरुषतर्फ नेपालले तेस्रो स्थानका लागि उज्वेकिस्तानसँग खेल्नेछ ।
प्रतिक्रिया लेख्नुहोस्:-