कुनै परिणाम छैन
सबै परिणामहरू हेर्नुहोस्
बिरुवा खबर
  • गृहपृष्ठ
  • समाचार
  • प्रदेश समाचार
  • राजनीति
  • विरुवा बिशेष
  • मनोरञ्जन
  • फोटो फिचर
  • खेलकुद
  • अन्तर्राष्ट्रिय
  • अर्थ
  • गृहपृष्ठ
  • समाचार
  • प्रदेश समाचार
  • राजनीति
  • विरुवा बिशेष
  • मनोरञ्जन
  • फोटो फिचर
  • खेलकुद
  • अन्तर्राष्ट्रिय
  • अर्थ
कुनै परिणाम छैन
सबै परिणामहरू हेर्नुहोस्
बिरुवा खबर
कुनै परिणाम छैन
सबै परिणामहरू हेर्नुहोस्

तीन तहका सरकारको समन्वय आवश्यक

बिरुवा खबर बिरुवा खबर
समाचार, मुख्य समाचार, विरुवा बिशेष
July 11, 2024
0
SHARES
0
VIEWS
Share on FacebookShare on Twitter

असार २७, स्याङ्जा | बिरुवा गाउँपालिका सदरमुकाम स्याङ्जा बजारबाट दक्षिणपूर्वमा पर्दछ । साबिकका बिरुवाअर्चले, मनकामना, ओरस्टे गाविसका सबै वडा तथा पेल्काचौर, राङभाङ, चिन्नेबास तथा किचनास गाविसका केही वडा गाभेर यो गाउँपालिका बनाइएको हो । सिद्धार्थ राजमार्गको पुतलीबजार–राङखोलाबाट करिब १७ किलोमिटरको दुरी पार गरेपछि यहाँ सहजै पुग्न सकिन्छ । पालिकाको पूर्वमा हरिनास गाउँपालिका र तनहुँ जिल्लाको शुक्लागण्डकी नगरपालिका, पश्चिममा भिरकोट नगरपालिका र वालिङ नगरपालिका, उत्तरमा पुतलीबजार नगरपालिका तथा दक्षिणमा चापाकोट नगरपालिका र हरिनास गाउँपालिका पर्छन् । यस गाउँपालिकामा २०७९ मा भएको निर्वाचनबाट सूर्यबहादुर कुँवर अध्यक्षमा निर्वाचित हुनुभयो । उहाँले लामो समय शैक्षिक क्षेत्रमा योगदान गर्नुभएको थियो । अध्यक्ष कुँवरसँग गोरखापत्रका पत्रकार राधाकृष्ण डुम्रेले गर्नुभएको कुराकानी :

तपाईं निर्वाचित भएपछि महत्त्वपूर्ण के के काम भए ?

यो दुई वर्षको अवधिमा आर्थिक, सामाजिक र भौतिक क्षेत्रमा विशेष ध्यान दिएका छौँ । सडकको वर्गीकरण गरी स्तरोन्नति गरेका छौँ । ‘एक स्वास्थ्य चौकी एक स्वास्थ्य प्रयोगशाला’ सञ्चालन गरेका छौँ । सबै विद्यालयमा नमुना बालविकास केन्द्र सञ्चालन गर्ने उद्देश्यले हालसम्म पालिकाबाट १५ र प्रदेश सरकारको सहयोगमा छ गरी २१ वटा विद्यालयमा नमुना बालविकास केन्द्र सञ्चालन गरेका छौँ । ‘एक गाउँ एक पशु प्राविधिक कार्यक्रम’ अन्तर्गत प्रत्येक वडामा पशु प्राविधिकको व्यवस्था गरेका छौँ । अभिभावकविहीन बालबालिकाको अभिभावकत्व ग्रहण गरी १२ कक्षासम्मको शैक्षिक दायित्व वहन पालिकाले गरेको छ । खरको छानो विस्थापन कार्यक्रम सञ्चालन गरेका छौँ ।

शिक्षा, स्वास्थ्य र पूर्वाधारमा पनि प्रगति भएको छ ? 

शिक्षकको विषयगत क्षमता विकास तालिम, प्रधानाध्यापक र विद्यालय व्यवस्थापन समितिलाई नेतृत्व विकास तालिम, खेलकुद शिक्षकलाई साङ्गीतिक पिटी तालिम सञ्चालन गरी कार्यान्वयन गरिएको छ । रुम टु रिडको प्राविधिक सहयोग र पालिकाको साझेदारीमा साक्षरता कार्यक्रम सञ्चालन गरिएको छ । प्राविधिक शिक्षा अन्तर्गत नवज्योति मावि बिरुवा–१ मा कक्षा ९–१२ सम्म कम्प्युटर शिक्षा र भुरुङचौकी मावि बिरुवा–८ मा प्रिडिप्लोमा इन सिभिल इन्जिनियरिङ कक्षा निःशुल्क अध्यापन गरिएको छ ।

‘एक स्वास्थ्य चौकी एक स्वास्थ्य परीक्षण प्रयोगशाला’ कार्यक्रम अन्तर्गत छ वटा स्वास्थ्य चौकीमा ल्याब सञ्चालन गरिएको छ । विद्यालय स्वास्थ्य कार्यक्रम अन्तर्गत तीन/तीन महिनामा विद्यार्थीको स्वास्थ्य परीक्षण गरिन्छ । सुनौलो हजार दिनका आमालाई पोसिलो झोला वितरण गरिएको छ । दुई वटा मात्रै बर्थिङ सेन्टर भएकोमा तीन वटा बर्थिङ सेन्टर सञ्चालन गर्ने तयारी पूरा भएको छ । राङभाङ स्वास्थ्य चौकी निर्माण भइरहेको छ ।

बिरुवाको सदरमुकाम र सिद्धार्थ राजमार्ग जोड्ने राङखोला–बिरुवा सडक अन्तर्गत राङखोला–धोवादी खण्ड ६.२ किमी स्तरोन्नतिसहित कालोपत्रे गर्ने काम भइरहेको छ । पालिका केन्द्रदेखि वडा केन्द्र र अन्तरपालिका जोड्ने सडक विस्तार, पक्की नाला, ग्राभेलसहित स्तरोन्नति भइरहेको छ । ज्याग्दीखोला–गैरीघाट र बास्ताराखोला–राक्सेघाटमा सडक पुल बन्दै छन् । ओतर्के खोला, लाटापिपल खोला र गोपालेखोलामा साना कल्भर्ट पुल निर्माण यो आर्थिक वर्षमा सम्पन्न हुँदै छन् । ज्याग्दीखोला, बास्ताराखोला र म्याङखोलामा आवश्यक ठाउँमा तटबन्धन गरिएको छ ।

कृषि र पर्यटनको अवस्था कस्तो छ ?

पालिकाका वडा नं. १ र ६ लाई अन्नबाली तथा तरकारी उत्पादन क्षेत्रका रूपमा प्रवर्धन गरेका छौँ । वडा नं. ७ र ८ लाई सुन्तला पकेट क्षेत्र, वडा नं. २ र ३ लाई अदुवा पकेट क्षेत्र वडा नं. ४ र ५ मौरीपालन क्षेत्रका रूपमा प्रवर्धन गरेका छौँ । चालु आर्थिक वर्षमा करिब आठ करोड बराबरको सुन्तला निर्यात भएको छ । बाख्रापालन कार्यक्रमलाई जोड दिइएको छ । रैथाने बाली प्रवर्धन कार्यक्रमलाई प्राथमिकता दिइएको छ । ‘पहाडी जिल्ला काष्ठफल तथा फलफूल विकास परियोजना’ यही वर्षबाट लागु हुँदै छ । पशुमा कृत्रिम गर्भाधान कार्यक्रम सुरु गरिएको छ ।

यहाँका पर्यटकीय स्थल राङभाङको रहस्यमय गुफा, मनकामना मन्दिर, भासीपोखरी पार्क, कुमेरदुङ पार्क, सिद्धथान पार्क, पुष्पमदन रङ्गशाला निर्माण र प्रवर्धन गर्ने कार्य भइरहेको छ । मनकामना मन्दिरमा वार्षिक २५ हजारभन्दा बढी भक्तजन आउने गर्दछन् । यहाँ दुई वटा सामुदायिक घरबास सञ्चालनमा छन् ।

सङ्घीय र प्रदेश सरकारसँग समन्वय भइरहेको छ ? 

सङ्घीय सरकार र प्रदेश सरकारको व्रिmयाकलापले सङ्घीयताप्रति नै प्रश्नचिह्न खडा भएको छ । हाम्रो सिफारिसमा सङ्घ र प्रदेश सरकारले छनोट गर्ने विशेष र समपूरक योजना सञ्चालनमा छन् । सङ्घ र प्रदेश सरकारले छनोट गर्ने अन्य आयोजना स्थानीय तहका आवश्यकता हो वा होइन ? योजना कार्यान्वयन गर्न सकिने नसकिने र प्रतिफलको लेखाजोखा नगरी पहुँचका आधारमा पालिकासँग समन्वय नगरी योजना छनोट हुने गरेको छ जुन सङ्घीयताको मर्मविपरीत छ ।

काम गर्दा चुनौती अनुभव गर्नुभएको छ ? 

हाम्रो आवधिक योजनालाई सहयोग पुग्ने गरी सङ्घ र प्रदेशको कार्यक्रम आए सहज हुने थियो तर त्यस्तो देखिएको छैन । अनौपचारिक क्षेत्रका किसान र मजदुरलाई सामाजिक सुरक्षा कोष कार्यक्रममा आबद्ध गर्न सङ्घीय सरकार श्रम, रोजगार तथा सामाजिक सुरक्षा मन्त्रालयसँग सम्झौता गरेका छौँ तर सङ्घीय सरकार र प्रदेश सरकारले अपनत्व लिन तयार भएका छैनन् । पालिकाले मात्रै व्ययभार थेग्न सबैभन्दा चुनौती देखिएको छ । सङ्घीय सरकारबाट वित्तीय समानीकरण अनुदान पूरा नआउनाले पुँजीगत क्षेत्रमा थप व्ययभार सिर्जना भएको छ ।

पालिकाको समृद्धिका आधार पहिचान गर्नुभएको छ ? 

कृषि र ग्रामीण पर्यटन नै समृद्धिका आधार हुन् । आलु तथा तरकारी उत्पादन, रैथाने बाली प्रवर्धन, पशुपालन, मौरीपालन र फलफूल खेती विशेष हुन् । ‘भौगोलिक सांस्कृतिक विविधता, बिरुवावासीमा एकता’ हाम्रो पहिचान हो । कृषि र पशुपालनमा आत्मनिर्भर बन्दै थप रोजगारीको सिर्जना गर्न सक्ने सम्भावना छ । रैथाने बाली कोदो उत्पादन र बजारीकरण तथा सुन्तलाको पालिका भनेर चिनिने सम्भावना छ ।

 

गोरखापत्र अनलाइन

Radhakrishna Dumre

यो समाचार पढेर कस्तो लाग्यो?


प्रतिक्रिया लेख्नुहोस्:-

सम्बन्धित समाचारहरु

पुनः हितकाजी गुरुङ तमु प्ये ल्हु संघ केन्द्रीय अध्यक्षमा निर्वाचित, महासचिवमा अर्जुन गुरुङ

October 5, 2026

रास्वपा बिरुवा गाउँपालिकाको सम्पर्क विभाग गठन, संयोजकमा पूर्ण वाग्ले

October 5, 2026

पोखरा–२८ मा देउवा पक्षको वडा अधिवेशन सम्पन्न, शम्भु पाण्डे सभापतिमा सर्वसम्मत

October 4, 2026

चिउली पाचे तमु समाजद्वारा प्रधानमन्त्री दैवी प्रकोप उद्धार कोषमा १२ लाख बढी सहयोग

October 2, 2026

रसुवाका बाढीपहिरो प्रभावितका लागि उल्लेरी समाज कास्की, पोखरा र उल्लेरी समाज यूकेद्वारा चार लाखभन्दा बढी हस्तान्तरण

September 30, 2026

नवौं बडा दशैं लुम्रे उत्सव–२०८३ को तयारी तीव्रः “लुम्रे गाउँ चिनारी गीत”को छायांकन मुख्य आकर्षण हुने

September 26, 2026

सर्वाधिक पढिएका

समाचार

पुनः हितकाजी गुरुङ तमु प्ये ल्हु संघ केन्द्रीय अध्यक्षमा निर्वाचित, महासचिवमा अर्जुन गुरुङ

October 5, 2026
समाचार

रास्वपा बिरुवा गाउँपालिकाको सम्पर्क विभाग गठन, संयोजकमा पूर्ण वाग्ले

October 5, 2026
समाचार

पोखरा–२८ मा देउवा पक्षको वडा अधिवेशन सम्पन्न, शम्भु पाण्डे सभापतिमा सर्वसम्मत

October 4, 2026
समाचार

चिउली पाचे तमु समाजद्वारा प्रधानमन्त्री दैवी प्रकोप उद्धार कोषमा १२ लाख बढी सहयोग

October 2, 2026
समाचार

रसुवाका बाढीपहिरो प्रभावितका लागि उल्लेरी समाज कास्की, पोखरा र उल्लेरी समाज यूकेद्वारा चार लाखभन्दा बढी हस्तान्तरण

September 30, 2026
समाचार

नवौं बडा दशैं लुम्रे उत्सव–२०८३ को तयारी तीव्रः “लुम्रे गाउँ चिनारी गीत”को छायांकन मुख्य आकर्षण हुने

September 26, 2026

ताजा समाचार

पुनः हितकाजी गुरुङ तमु प्ये ल्हु संघ केन्द्रीय अध्यक्षमा निर्वाचित, महासचिवमा अर्जुन गुरुङ

बिरुवा खबर
October 5, 2026
0

रास्वपा बिरुवा गाउँपालिकाको सम्पर्क विभाग गठन, संयोजकमा पूर्ण वाग्ले

बिरुवा खबर
October 5, 2026
0

पोखरा–२८ मा देउवा पक्षको वडा अधिवेशन सम्पन्न, शम्भु पाण्डे सभापतिमा सर्वसम्मत

बिरुवा खबर
October 4, 2026
0

चिउली पाचे तमु समाजद्वारा प्रधानमन्त्री दैवी प्रकोप उद्धार कोषमा १२ लाख बढी सहयोग

बिरुवा खबर
October 2, 2026
0

H.G. Digital Multimedia 
Pokhara, Gandaki, Nepal
Company Registrar No: 283606/078/079
D.o.I & B. Regd: 3707-2079/80
Press Council Nepal Regd No.: 3864

  • Email: [email protected]
  • Phone: 9846227620, 9817172783
  • Company Regd. No.: 283606/078/079

Our Team

Chairman
: Hum Bahadur Gurung
Founder/Editor
: Gir Bahadur KC
Founder/Reporter
: Resham Raj Rana
Editor-in-Chief
: Til Bahadur Gurung

: Nom Raj Gurung
Sub. Editor
: Bishnu Prasad Gurung
Reporter
: Redesh Sunar


  • गृहपृष्ठ
  • समाचार
  • प्रदेश समाचार
  • राजनीति
  • विरुवा बिशेष
  • मनोरञ्जन
  • फोटो फिचर
  • खेलकुद
  • अन्तर्राष्ट्रिय
  • अर्थ
  • गृहपृष्ठ
  • समाचार
  • प्रदेश समाचार
  • राजनीति
  • विरुवा बिशेष
  • मनोरञ्जन
  • फोटो फिचर
  • खेलकुद
  • अन्तर्राष्ट्रिय
  • अर्थ

कुनै सामग्री उपलब्ध छैन